"Ein Wagen von der Linie 8"

Liedtext von Weiß Ferdl, 1883-1949

Ein Wagen von der Linie 8
weiß-blau
fährt ratternd durch die Stadt
So fährt der Wagen schnell dahin
Die Menschen in dem Wagen drin
die schaun gar grantig - niemand lacht
Da drin - im Wagen der Linie 8.
"Nächste Haltestelle - Harras
Waldfriedhof umsteigen"
"Ach bitte schön Herr Schaffner -
Max-Weber-Platz?
Muß ich jetzt da jetzt umsteigen?"
"Nein, erst am Stachus, in die Linie 19 oder 4
So, bitte aussteigen lassen"
"Aber Leid laßt's doch'd Leid naus, ne?"
"??? Laßt'ses halt naus!"
"Geh halt weg, Du oida Depp!"
"Dir gib I da scho an oidn Deppn,
Du Rotzlööfe, Du rotziger!
A so a schwindsüchtiges Zigarettenbürschal,
a scho as Mei aufreißn
i bin a oider Münchner Bürger
der 50 Jahr seine Steiern un Abgabn zahlt hat
Da hört sich doch alles auf!"
"Na nei woll'n ma!
Gehns halt auf'd Seitn, daß ma nei ko!
Da hockt a jeder drinn und liest Zeitung,
als wie wann a 5 Mark zoit hätt,
für'n Sperrsitz
und wir warten da heraust
bis die Verdrußlinie mal daher kummt
Auf'd Seitn, Himma Sapparament no amoi!!!"
"A so a narrischer Kampe, a narrischer"
"Vorsicht, der Wagen ist besetzt!"
*plim*
Ein Wagen von der Linie 8
"In die Mitte gehn"
weiß blau, fährt ratternd durch die Stadt
"Noch jemand ohne?"
"Sie Lümmel, Sie!"
"A Preiß a no
jetzt werd's recht! Hoho!"
"Ruppertstraß! Zoologischer Garten umsteigen."
"Ach bitte schön, Herr Schaffner, Max-Weber-Platz?
Muß ich da jetzt um..."
"Neeein, no lang ned,
erst am Stachus in die Linie 19 oder 4.
So, bitte aussteigen lassen!
Aber Leid - laßt's doch'd Leid naus!
Laßt'ses halt naus, hä?"
"Bitte schön, ich möchte aussteigen."
"No, na steig halt aus"
"Ja, aber ich kann nicht!"
"Ja, dann kann i Dir a ned helfa"
"Vorsicht, der Wagen ist besetzt!"
*plim*
"Ja, ich möcht' doch aussteigen!"
"Ja, des häts't da früher überlegn müssen"
Ein Wagen von der Linie 8
"In die Mitte gehn"
"Da komm' ich ja wieder nicht hinaus"
weiß-blau, fährt ratternd durch die Stadt
"Bei der Endstation,
do geht's nachad scho."
"So drücken Sie doch nicht so!"
"I druck ja ned. Da hint' druckans"
So fährt der Wagen schnell dahin
"Host sie gseng, mit de roten Fingernägel"
Die Menschen, die im Wagen drin
"und's Mei o'gstricha, da graust's ma scho"
Neipfercht, als wie in einem Schaft
"A liaba no a angstrichas Maul,
als wie a so a bissigs!"
Da drin, im Wagen der Linie 8.
"Hohohoho"
"Do helfa'd Mannsbilder zam, wenns um so a
Flitschal geht, um a so a ozupft's
Da hört sich doch alles auf!"
"Ach bitte schön Herr Schaffner, Max-Weber-Platz?"
"Naaa! Erst am Stachus.
Jetzt lassn's eahna nur Zeit.
So, bitte aussteigen lassen!
Erst die Plattform frei machen!
Bisl rascher aussteign!
Herrschaft, alte Rutschn!
Schau halt amoi, daß'd ausse kimmst!
Sonst tritt i da ins Kreiz nei!"
"Ist doch unglaublich -
So spricht man doch nicht mit einer Dame!"
"In der Trambahn gibt's koa Dame!"
"Na, da gibt's blos an Hammel, gell?
Is a wahr a, ned?"
"Jetzt drucka de scho wieder rei
laßt's doch uns zuerst naus
Himma Sapparament no amoi!!!"
"Vorsicht, der Wagen ist besetzt!"
*plim*
Ein Wagen von der Linie 8
"In die Mitte gehn"
weiß-blau, fährt ratternd durch die Stadt
"Noch jemand ohne?"
Die Menschen, die im Wagen drin
"schaung gar nimmer hin,
wenn einer nunter foit"
die haben ihn nur im Verdacht
"der hat halt ned zahln wolln"
So sans, im Wagen der Linie 8.
"Nächste Haltestelle Stachus-Karlsplatz!
Umsteigen in der Richtung Hauptbahnhof
- Pasing - Neuhausen
- Marienplatz - Maximilian- und Leopoldstraß
So, bitte aussteign lassn
Aber Leid - laßt's doch'd Leid naus - ne!
Laßt'ses halt naus"
"So nehmen Sie doch Rücksicht
auf eine schwächliche Frau!"
"Hoho! Schwächliche Frau!
Rennt ma glei an Ellnbogen nei,
daß ma d'Rippn alle krachn
des mog i"
"So wat gibt's ja nur in Bayern!"
"Sie ah scho, de preißische Krampfhenna,
des sog i da"
"Ja jetzt lasse se mi grad aussteige
i muß ja an Bahnhof!
Sonnst dawisch i mei Zügle nimmer
Aussteige lasse! Aussteige lasse!"
"Vorsicht, der Wagen ist besetzt!"
*plim*
Ein Wagen von der Linie 8
"In die Mitte gehn"
weiß-blau, fährt ratternd durch die Stadt
"Noch jemand ohne?"
"Sie, laßn's eahna Nasntröpfal ned grad auf mi falln"
"Na, hinauf kann i's a ned falln lassn."
So fährt der Wagen schnell dahin
"Fahrberechtigungsausweis!"
Do schaugt jetzt mancher gradaus drin
"Aha! Zwei Mark!"
Jo freili! Ja, ge des wa do glacht!
"Ja, dann steign's aus!"
Jawoi des dur'i, geb'ns nur acht
"Do muaß i ja a so naus!"
"Nächste Haltestelle Gabelsberger Straß!
Steigt jemand aus?"
"Ach bitte schön, Herr Schaffner, Max-Weber-Platz?"
"Jetz is de no oiwei da
Mein Gott!
I hab's eahna do zwanzg moi gsagt
Am Stachus, bei der letzten Station,
do hättn's raus müssn!"
"Was? O Gott o Gott!
Mich trifft der Schlag!"
"Gut, dann bleibn's sitzn bis zum Nordfriedhof"
"Vorsicht, der Wagen ist besetzt!"
*plim*
Ein Wagen von der Linie 8
"In die Mitte gehn"
weiß-blau
fährt weiter durch die Stadt.



Fakten zur Trambahnlinie 8:
Strecke Fürstenried-West - Karlsplatz - Hasenbergl
Einstellung der Linie am 22. November 1975.